Cois Fharraige: An Scéal is Nuaí
15 Lúnasa 2024
Spaisteoireacht i gCois Fharraige
Tá cuireadh á thabhairt do dhaoine a bhfuil suim acu sna healaíona agus i gcúrsaí timpeallachta, dul ag spaisteoireacht ar thuras spéisiúil cruthaitheach i gCois Fharraige ar an gCéadaoin seo chugainn, 21 Lúnasa, eagraithe ag grúpa ealaíontóirí agus gníomhaithe aeráide óga, atá páirteach sa togra CLICA.
Tabharfaidh an lá seo deis don phobal, idir óg agus sean, cuid de na ceisteanna a bhaineann leis an timpeallacht a chíoradh ar bhealach cruthaitheach agus samhailteach. Tiocfaidh na daoine óga a bheas páirteach san imeacht seo le chéile chun fís chruthaitheach a mhúnlú do thodhchaí inbhuanaithe sa gceantar.
Seo é an clár atá leagtha amach don an lá:
11.30 – 13.00: Siúlóid Dúlra & Ceoil
Siúlóid i gceantar Chois Fharraige, treoraithe ag Seathrún Ó Tuairisg, Éanna Hyland agus Peadar-Tom Mercier, chun foghlaim faoi chaomhnú bithéagsúlachta agus uisce sa gceantar.
Tá an ócáid seo feiliúnach do gach aoisghrúpa, ach caithfidh tuismitheoir/caomhnóir a bheith in éineacht le rannpháirtithe faoi 18. Teacht le chéile ag Seanscoil Sailearna ag 11.30am.
14.00 – 16.00: Ceardlanna Ealaíne, Seanscoil Sailearna
Beidh rogha ceardlann ar siúl do dhaoine óga idir 15-25 a dhíreoidh ar úsáid a bhaint as an oidhreacht le todhchaí inbhuanaithe agus dóchasach a shamhlú.
Ceol agus amhránaíocht le Síle Denvir, Becky Ní Éallaithe, Peadar-Tom Mercier agus Meadhbh O’Leary Fitzpatrick.
Ealaín (zines) le Mairéad Hurley.
Filíocht chomhaimseartha le Gormfhlaith Ní Shíocháin-Ní Bheoláin.
Tá na ceardlanna dírithe ar dhaoine óga idir 15-25. Is féidir le daoine faoi 18 a bheith i láthair gan tuismitheoir/caomhnóir, ach caithfidh siad clárú le hainm agus seoladh ríomhphoist an tuismitheora/an chaomhnóra tríd an fhoirm seo: https://forms.office.com/e/pwamFAxe8Y
17.00 – 19.00 Cuisle an Chomhshaoil: Taibhreamh i Seanscoil Sailearna
Ceolchoirm le ceol, filíocht agus caint, le Síle Denvir, Becky Ní Éallaithe, Peadar-Tom Mercier, Meadhbh O’Leary Fitzpatrick, Mairéad Hurley, Éanna Hyland agus Gormfhlaith Ní Shíocháin-Ní Bheoláin.
Beifear ag macnamh ar ról na n-ealaíon, an chultúir agus na hoidhreachta maidir lenár dtimpeallacht áitiúil a chosaint ar mhaithe le todhchaí inbhuanaithe.
Níos mó eolais: imeall.ie/eu.
Tá na himeachtaí éagsúla ar an lá saor in aisce, ach ní mhór áit a chur in áirithe roimhré tré dul ag an nasc: https://www.eventbrite.com/e/cuisle-an-chomhshaoil-taibhreamh-tickets-955904836097?aff=oddtdtcreator
Nótaí Chois Fharraige
Cumann Forbartha Chois Fharraige a cuireann Nótaí Chois Fharraige le chéile chuile sheachtain don Churadh Chonnachta, a thagann amach gach Déardaoin. Fáilteofar roimh mhíreanna nuachta, pictiúirí nó eolas faoi imeachtaí, le foilsiú sa gcolún ach iad a sheoladh i bhfoirm leictreonach chuig notaicoisfharraige@nullgmail.com ar an Luan roimhré faoi 2.30pm. Is féidir an colún a léamh chomh maith ar an suíomh seo le ábhar breise.